جديد المدونة

23 فبراير، 2011

اللصوص سرقوا قطار الاسكندرية .........!!!!!!!!!


 
http://clear.msu.edu/dennie/clipart/thief.gif

 
سرقة كل ركاب احدى القطارات فى الأسكندرية !! مستغرب!!


آه متستغربش ... الخبر صحيح و حصل بالفعل فى الأسكندرية مرتين   
الاولى  سنة 2005قبل رمضان بشوية أيام ... !!!!

الموضوع و ما فيه انه يوجد فى الأسكندرية قطارات داخلية تسمى قطارات أبوقير حيث تربط مساحات طويلة من أبو قير لغاية محطة مصر و تخدم العديد و العديد من سكان الأسكندرية ....


قام اللصوص بأحتلال اخر عربيتين فى القطار و ركز على موضوع عربيتين بحالهم !!

و قاموا بتهديد جميع الركاب بالأسلحة و قاموا بسرقة كل ما يحمله الركاب من موبايلات و ذهب و فلوس و كل شئ !!!

و اى راكب يعترض او يقاوم يتعرض للضرب و اعتقد يوجد اصابتين !!

و بعد كده هربوا جميعا و فص ملح و ذاب !!


اعتقد القصة دى كانت ممكن تحدث فى أمريكا أيام الهنود الحمر و الكاوبوى بس علشان احنا هنا عندنا كل شئ جديد و مفيش حاجة اسمها مستحيلة قام اللصوص بتنفيذ خطتهم بنجاح تام 100%


و لغاية دلوقتى لم يعثر على هؤلاء اللصوص و تبذل الجهات المختصة كل الجهود للقبض عليهم ...!!!!


بصراحة انا مش عارف اضحك و لا ازعل على الحال اللى وصلناله ده 

على العموم لا املك غير انى اقووول ...


حــســـبـــــى الــــلـــــه و نـــــعـــم الـــــوكــــيــــل.



آه صحيح ... المفتش أو الكمسرى نجا من هذه السرقة مع انه كان معاه فلوس التذاكر و هذا يدل على قناعة اللصوص و انهم مش طماعين .. هما كانوا يقصدوا الركاب بس .

والمرة الثانية فى فبراير 2011 الاسبوع الماضى بعد الانفلات الامنى 
على الرغم من عودة رجال الشرطة 
مع العلم أن هذه المرة لم يكتفوا بسرقة الركاب بل والكمسارية
لتطبيق مبدأ المساواة بين ركاب القطار 
والسؤال اين الامن ورجاله............؟؟؟

ليست هناك تعليقات:

إرسال تعليق