جديد المدونة

10 فبراير، 2011

موت يا حمار



هو واحد مننا
بس ماصص دمنا
طول اليوم عمال يفكر
إزاى يكفر أمنا
هى لعبه ولازيطه
ولا تكونش زمبليطه
فوق ياعم..فوق وصحصح
ناقص خلاص ننام عالحيطه
فين مهامك فين حقوقنا
إمتى تسمع ياللى فوقنا
بكفايه بقى شعارات و زيطه
إركب الحنطور و سوقنا
إنت وعصابتك الحراميه
ما القعده برحه و ميه الميه
عندك أراضى و خضره و رمله
ونهر شارخ فيه الميه
بالزمه مش تنفع تكيه...ياللى وارثنا بالأقدميه
و الشعب واقف بيقول توت
و إنت بتضرب بالشلوط
فيها اللى مات و فيه اللى بيموت
و فيه اللى راقع بأعلى صوت
و إنت راكبنا..حالق منفض
و أهو عيد ميلادك جه يا كتكوت
توت توت.. إنشاله تموت
تيجى داهيه تشيلك .. عالنارمظبوط
سنه حلوه يا ريس .. توت توت
يا سارقنا كويس ..توت توت
يا ناهبها و عايش ..توت توت
و الشعب مهيس ..توت توت
يا بلادى يا حلوه .. توت توت
بقى شعبك عايش عالكبوت
ماأهو من كاميوم
قالوا فيه إضراب
يعنى لا نتظاهر ولا نضرب نار
هنام فى بيوتنا..كفيانا مرار
فيه مواطن إتجابن
و فى سره أنامالى
عايز أقبض قرشى
أجيب قوت لعيالى
و خرج من بيته...زى الصرصار
لقى كل زمايله..في الشغل كتار
قال برضه فى سره..روح موت يا حمار
ماهو كله يا واطى
زيك صرصار
عايزين الجزمه
أو ضرب النار
لو كله إسترجل
نام يومها فى بيته
هتشوف حراميه
من الخوف بيموتوا
عرفوا إنك قادر
ترفض و تقرر
كان واحده بواحده
هتطل بتتأمر
بس اللى واكلها..قاعد مطمن
عارف إن كلابه..إتربت مظبوط
و علشان القله
اللى قالوايلا
نضرب يوم تانى
فى عيد ميلاد أبو زعبوط
راح صاحبك صاحى
قايم مننومه
قاعد بيفكر
فى مفاجأه ليومه
شعبى المسكين
غرقان فىهمومه
ولا عارف يضمن
حتى قوت يومه
و ولاد الهرمه عايزين إضراب؟؟!!
صحصح يا نظيف
حضر مسمار
شعبى إبن الهرمه
عايزنلى النار
فى قرار من بكره
برفع الأسعار
و الدعم تشيله
و تجيبلى حمار
يتجرأ يرفع صوته يا جزار
راح يبقى ضحيه..نركبه مشوار


يا مبارك يا مدلعها
ياواكلها و مولعها
إديها كمان يا معلم
ما هى بلدك و إنت بتاعها
إديه اكمان إديها
ماهو شعبك واخد فيها
لا هتسمع منا إرحمنا
ولا يوم براحه عليها
إتمتع...عيش بفلوسنا
و إن جالك قلبتدوسنا
إفتكر إنك يا معلم
ليك تربه هتسكن فيها

احمد فواد نجم

هناك تعليق واحد: