أحنا أسفين يازحل

بعد إعلان يوم أمس الثلاثاء بأنه أول أيام عيد الفطر المبارك , انتشرت أنباء عن خطأ الرؤية و ذلك بأن من أعلن انه رأى هلال العيد , رأى زحل!!! فظن انه هلال العيد .

و على الفور انتشرت عدد من الصفحات على الفيس بوك كرد فعل طبيعي لرؤية “زحل العيد”. فقد انضم 263 شخص إلى صفحة “عيدنا حلال عيدنا بزحل مش بهلال” و 172 شخص إلى صفحة “إحنا مش آسفين يا زحل” و 185 شخص إلى صفحة “تضامنا مع زحل اللي ضيّع صيامنا” و 2664 شخص على صفحة “إحنا آسفين يا زحل” و 82 شخص إلى صفحة “كلنا زحل” و 85 شخص إلى صفحة “القمر اللي ورا كوكب زحل“.

كما توالت التعليقات الساخرة على الصفحات الشخصية على الفيس بوك مثل”  عفاف شعيب: احنا منهارين و ولاد اختى نزلوا النهاردة على أساس انه العيد و حتى أكلوا ريش نعمل إيه دلوقتى؟ “  في السنة اللي رفضنا فيها نقول “عيد مبارك” القدر شاء انه يبقى “عيد زحل” , و زحل و الهلال ايد واحدة , عمرو مصطفى” عمرو دياب هو المسئول علي كل اللي حصل ده .. فضل يقول قمرين قمرين لحد ما روّش المرصد كله!!”

و قد وصل الأمر إلى قول البعض ساخرا إن المجلس العسكري سوف يصدر بيانا إلى شعب مصر قائلا”  قوم أتسحر يا حبيبي انت و هوه ما عندناش فلوس لكفارة ” , و تعليق أخر “الامريكى أول من وقف على القمر و السعودي أول من فطر على زحل” .

و جاء هذه الخبر العاجل وقت كتابة هذا الموضوع , “لقد تم تأجيل عيد الفطر ليصبح مع عيد الأضحى و بهذا يصبح العيد سبعة أيام و يكون اسمه العيد "الكبير أوى”.